აშშ-ში, კალიფორნიის შტატის ქალაქ სანტიში მცირე ზომის თვითმფრინავის ჩამოვარდნას სულ მცირე ორი ადამიანის სიცოცხლე ემსხვერპლა, - ინფორმაციას Reuters-ი ავრცელებს.

სააგენტოს ცნობით, დაშავებულია კიდევ ორი ადამიანი, რომელიც საავადმყოფოშია გადაყვანილი.

თვითმფრინავის ჩამოვარდნის შედეგად ხანძარი გაჩნდა, რამაც ორი სახლი გაანადგურა.

NBC San Diego-ს ცნობით, მცირე ზომის თვითმფრინავი სან-დიეგოდან იუმაში, არიზონაში მიფრინავდა, მაგრამ პრობლემები შეექმნა და ავარიულად დაჯდომას ცდილობდა, როდესაც ჩამოვარდა.

კატასტროფის ზუსტი მიზეზების დასადგენად გამოძიება მიმდინარეობს.