ბრაზილიის პრეზიდენტი ჟაირ ბოლსონარუ აცხადებს, რომ კორონავირუსით გარდაცვალების შემთხვევებზე კითხვები მომაბეზრებელია.

„რომელ ქვეყანაში არ იღუპება ხალხი? მითხარით აბა! მე აქ იმისთვის არ მოვსულვარ, რომ თავი მომაბეზრონ,“- უპასუხა ბოლსონარუმ ჟურნალისტს, რომელმაც მხარდამჭერებთან შეხვედრის დროს, მას ქვეყანაში კორონავირუსით გარდაცვლილთა რაოდენობაზე დაუსვა კითხვა.

შეგახსენებთ, რამდენიმე დღის წინ ბრაზილიაში კოვიდ 19-ით გარდაცვლილთა საერთო რაოდენობამ 600 000-ს გადააჭარბა. კორონავირუსით დაღუპულთა რაოდენობით ბრაზილია მეორე ადგილზეა მსოფლიოში აშშ-ის შემდეგ.