აზერბაიჯანში, გასული დღე-ღამის განმავლობაში, კორონავირუსით ინფიცირების 1 277 ახალი შემთხვევა დაფიქსირდა და 15 ადამიანი გარდაიცვალა.

პანდემიის დაწყების დროიდან ქვეყანაში კორონავირუსით ინფიცირების 494 067 შემთხვევა გამოვლინდა, 6 692 პაციენტი კი გარდაიცვალა.

ამჟამად საავადმყოფოებში კოვიდ-19-ით ინფიცირებული 12 861 პაციენტი მკურნალობს. ბოლო მონაცემებით, აზერბაიჯანში 4 133 680 ადამიანი სრულადაა ვაქცინირებული.