გიგი წერეთელი ირაკლი ღარიბაშვილის შესაძლო გადაყენების საკითხზე - რა მნიშვნელობა აქვს ვინ სად იქნება, მთავარია ერთი ადამიანის, ივანიშვილის განწყობა

რა მნიშვნელობა აქვს ვინ სად იქნება, მთავარია ერთი ადამიანის, ბიძინა ივანიშვილის განწყობა რა მოეწონება და რა არა, ეს არის მთელი მანკიერება, ერთ ადამიანზე, მითუმეტეს, ოლიგარქიულ სისტემაზე აწყობილი ვერტიკალის, ვისაც უნდა მაშინ გაუშვებს და ვისაც უნდა მაშინ დანიშნავს, ეს ადრეც გვინახავს, - ასე ეხმაურება „ევროპული საქართველოს“ პოლიტსაბჭოს თავმჯდომარე გიგი წერეთელი პრემიერ-მინისტრ ირაკლი ღარიბაშვილის შესაძლო გადაყენების საკითხს.

მისივე თქმით, ღარიბაშვილს მმართველი გუნდისთვის ზიანი მოაქვს, მაგრამ რამდენად აისახება ეს კონკრეტულ გადაწყვეტილებაზე მისთვის უცნობია.

,,ქართულ ოცნების“ ხელისუფლებაში გაადგილება-გადმოადგილებაზე ყოველთვის არის ხოლმე ძალიან ბანალური, მაგრამ რეალობის ამსახველი განმარტება, რომ რა მნიშვნელობა აქვს ვინ სად იქნება, მთავარია ერთი ადამიანის ბიძინა ივანიშვილის განწყობა რა მოეწონება და რა არა მას. ეს არის მთელი მანკიერება, ერთ ადამიანზე, მითუმეტეს, ოლიგარქიულ სისტემაზე აწყობილი ვერტიკალის, ვისაც უნდა მაშინ გაუშვებს და ვისაც უნდა მაშინ დანიშნავს. ეს ადრეც გვინახავს და ალბათ, რაღაც პერიოდი, მე დიდი იმედი მაქვს ძალიან მცირე პერიოდი გაგრძელდება, შეიძლება ეს სცენაც გათამაშდეს იგივე ღარიბაშვილთან დაკავშირებით, რა მოიტანა მან გარდა ისევ აგრესიისა, რაც ამ არჩევნებში შეიძლება მათ გამოადგათ, მაგრამ ამ კაცმა აღიარა, რომ სააკაშვილი პოლიტიკური პატიმარია და ის თუ იაქტიურებს უფრო დავუმატებთ მუხლებსო, რა თქმა უნდა, მას ზიანი მოაქვს, მაგრამ რამდენად აისახება ეს კონკრეტულ გადაწყვეტილებაზე ნამდვილად ვერ გეტყვით, თუმცა მოსალოდნელი არის ისევე როგორც ყველაფერია მოსალოდნელი იმ ხელისუფლების ხელში, რომელსაც არ აქვს არანაირი იდეოლოგია და დამოკიდებულია ერთი ადამიანის სურვილებზე“, - განაცხადა გიგი წერეთელმა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე