თსუ-ს სტუდენტების ნაწილი სასამართლოს მიმართავს, რაც შეიძლება მალე ჩაინიშნოს პროცესი, რათა სტუდენტებს შეეძლოთ თვითმმართველობის არჩევნების ჩატარება

თბილისის ივანე ჯავახიშვილის სახელობის სახელმწიფო უნივერსიტეტის სტუდენტების ნაწილი თბილისის საქალაქო სასამართლოს მიმართავს, რაც შეიძლება მალე ჩაინიშნოს პროცესი, რათა სტუდენტებს შეეძლოთ თვითმმართველობის არჩევნების ჩატარება. ამასთან, ისინი უნივერისტეტს იურიდიული ფაკულტეტის დეკანისა და მისი მოადგილეების საქმიანობის გადახედვას სთხოვენ.

„სტუდენტური თვითმმართველობის არჩევნები წესით უნდა ჩატარებულიყო 2020 წლის ნოემბერში, თუმცა ნოემბერში ეპიდსიტუაციის გამო, მე-7 მოწვევის პრეზიდენტმა შოთა კეზერაშვილმა მიიღო გადაწყვეტილება, რომ სტუდენტური თვითმმართველობის არჩევნები გადავადებულიყო არაუმეტეს 6 თვისა, რომელიც უწევდა მაისის თვეში. სანამ მაისის თვე მოვიდოდა, თებერვალში საერთო კრებამ ჩვენ აგვირჩია სტუდენტური თვითმმართველობის მოვალეობის შემსრულებლად. მაისში არჩევნების ჩასატარებლად აქტიურად ვემზადებოდით, თუმცა, როდესაც მაისი დადგა, სრულიად სხვა ვითარება დაგვხვდა, იყო „კომენდანტის საათი" და კოვიდის გავრცელების მაღალი მაჩვენებელი, აქედან გამომდინარე, როგორც პრეზიდენტის მოვალეობის შემსრულებელმა, მივიღე გადაწყვეტილება, რომ მაისში ჩემი ბრძანების საფუძველზე არჩევნები კიდევ 6 თვით გადადებულიყო.

გუშინ გავაკეთეთ განცხადება, სადაც მივმართეთ სასამართლოს, რაც შეიძლება მალე ჩაინიშნოს პროცესი, რათა სტუდენტებს შეგვეძლოს თვითმმართველობის არჩევნების ჩატარება. მეორე მოთხოვნა რაც მივმართეთ უნივერსიტეტს, არის კომისიის შექმნა, რომელიც იმსჯელებს იურიდიული ფაკულტეტის დეკანის და მისი მოადგილეების საქმიანობის შესახებ, სადაც ძალიან ბევრი კითხვის ნიშანია, თუნდაც დაფინანსების მხრივ. ჩვენ გვაქვს საფუძვლიანი ეჭვი, რომ მათ სურთ ფინანსური პრივილეგიების გამყარება”, - განაცხადა გაბაშვილმა.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა