რუსთავის N12 პენიტენციურ დაწესებულებასთან მიხეილ სააკაშვილის მხარდამჭერებმა კიდევ ერთი აქცია გამართეს.

როგორც აქციის მონაწილეები აცხადებენ, დღევანდელი აქცია 14 ოქტომბრის მასშტაბური აქციის მოსამზადებელი აქციაა.

მათ ოპოზიციის წევრებს მოუწოდეს, შეუერთდნენ 14 ოქტომბრის აქციას.

"განსაკუთრებით პოლიტიკურ პარტიებს მივმართავ. ოპოზიციის ლიდერები ამბობენ, რომ ჩვენ 14 ოქტომბერს, შეიძლება არ მოვიდეთო. ჩემი უპირველესი თხოვნაა მათი პარტიების, მათი მრევლის, ამომრჩევლის გადასარჩენად, ნუ ეტყვით თქვენს ამომრჩეველს, რომ 14 ოქტომბერს არ უერთდებით აქციას. 14-ში ყველა უნდა შევუერთდეთ. ეს არ არის მიხეილ სააკაშვილის პერსონიფიცირებული აქცია. აქ ინსტიტუტზე, საქართველოს მესამე პრეზიდენტზეა ლაპარაკი.

მობრძანდით აუცილებლად, ყველა ერთად უნდა დავდგეთ, ძალა არის ერთობაში. ერთობით შეიძლება საქართველოს მესამე პრეზიდენტი გამოვიხსნათ ამ ციხიდან", - განაცხადა მურმან დუმბაძემ.