არჩილ ნიკოლეიშვილმა წლის წარმატებული მეტყევეები დააჯილდოვა

ეროვნულმა სატყეო სააგენტომ წლის წარმატებული მეტყევეები გამოავლინა. სააგენტოს უფროსმა, არჩილ ნიკოლეიშვილმა, განსაკუთრებულად რთული და რისკის შემცველი ყოველდღიური საქმიანობისთვის, როგორც რეგიონული სატყეო სამსახურების მეტყევეებს, ასევე ცენტრალური აპარატის თანამშრომლებს, სიგელები და სიმბოლური საჩუქრები გადასცა. აღნიშნულ ინფორმაციას გარემოს დაცვის და სოფლის მეურნეობის სამინისტრო ავრცელებს.

„ის, რომ საქართველოს ტყეს აქვს უზარმაზარი პოტენციალი, მნიშვნელოვანი წვლილი შეიტანოს ქვეყნის ეკონომიკურ წინსვლაში, უდავოა. მრავალმიზნობრივი ტყითსარგებლობის გაძლიერება, რაც, მერქნული რესურსების გონივრულ გამოყენებასთან ერთად, იძლევა საშუალებას, ეფექტიანად იყოს გამოყენებული ტყეების არამერქნული რესურსიც, მისი რეკრეაციული და ტურისტული პოტენციალი, უმნიშვნელოვანესია სოფლად განვითარებისთვის. თუმცა, ამ სარგებლის გრძელვადიანად მიღება შეუძლებელი იქნება გამართული ინსტიტუციური სისტემის, საქმიანობის სწორად დაგეგმვის, ტყეების დაცვის, მოვლასა და აღდგენაზე ზრუნვის გარეშე, რაშიც გადამწყვეტი როლი ჩვენ პროფესიონალ მეტყევე სპეციალისტებს აქვთ. დარწმუნებული ვარ, სულ უფრო გაიზრდება იმ ახალგაზრდების რიცხვი, ვინც ამ პროფესიას დაეუფლება; ჩვენ ერთად შევძლებთ, დარგი განსაკუთრებულად წარმატებული გავხადოთ და განვითარებისთვის დასახულ მიზნებს მივაღწიოთ“, - განაცხადა არჩილ ნიკოლეიშვილმა.

სააგენტოს უფროსმა არასამთავრობო და საერთაშორისო ორგანიზაციების წარმომადგენლებს მრავალწლიანი მხარდაჭერისთვის მადლობა გადაუხადა. წლების განმავლობაში, ეროვნულმა სატყეო სააგენტომ არაერთი პროექტი განახორციელა GIZ -ის, გაეროს განვითარების პროგრამის (UNDP), ბუნების დაცვის მსოფლიო ფონდისა (WWF), CENN -ის და სხვა პარტნიორების მხარდაჭერით.

არჩილ ნიკოლეიშვილმა ახალგაზრდა მეცნიერისა და მეტყევის, „სანდრო ურუშაძის პრემია 2021“ მფლობელებიც დააჯილდოვა. პრემია საქართველოს აგრარული უნივერსიტეტის სტუდენტებს ალექსანდრე ნარსიას და ელიზავეტა ავოიანს, ასევე, ტექნიკური უნივერსიტეტის სტუდენტს ნოდარ ბერიძეს გადაეცათ.

ადრეულ ასაკში გარდაცვლილი მეცნიერისა და მეტყევის, სანდრო ურუშაძის პრემია გარემოს დაცვისა და სოფლის მეურნეობის მინისტრის, ლევან დავითაშვილის ინიციატივით, 2019 წელს დაარსდა უმაღლესი საგანმანათლებლო დაწესებულების სტუდენტების, სამეცნიერო ინსტიტუტებსა და კვლევით ცენტრებში მოღვაწე, სახელმწიფო თუ არასამთავრობო სექტორში დასაქმებული ახალგაზრდა სპეციალისტების წასახალისებლად.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს