გრიგოლ გეგელია - მაკალისტერის და კალიურანდის წერილი ადასტურებს, რომ „ქართულმა ოცნებამ“ თავისი პოლიტიკური ეგოიზმის გამო დაუკარგა საქართველოს ევროკავშირის მნიშვნელოვანი დახმარება

ევროპარლამენტის საგარეო ურთიერთობათა კომიტეტის თავმჯდომარის, ბატონი მაკალისტერის და ევროპარლამენტარ მარინა კალიურანდის წერილი ნათლად ადასტურებს, რომ „ქართულმა ოცნებამ“ თავისი პარტიულ-პოლიტიკური ეგოიზმის გამო საქართველოს დაუკარგა უაღრესად მნიშვნელოვანი მაკროფინანსური დახმარება 300 მილიონი ლარის ოდენობით, - ამის შესახებ პარტია „ლელოს“ ერთ-ერთმა ლიდერმა, გრიგოლ გეგელიამ პარტიის ოფისში გამართულ ბრიფინგზე განაცხადა.

მისივე თქმით, ევროპარლამენტარების წერილი კარგად აჩვენებს, რომ „ქართული ოცნების“ მცდელობა, „ქართული ეკონომიკის აყვავებით“ ეხსნა უარი დახმარებაზე, არის კომიკური.

„ევროპარლამენტარები პირდაპირ აღნიშნავენ, რომ ეს არ არის დამაჯერებელი ახსნა, რადგან მათთვის კარგად არის ცნობილი, რომ ქართული ეკონომიკა დღეს მძიმე მდგომარეობაში იმყოფება, განსაკუთრებით კოვიდ პანდემიის ფონზე.

ევროპარლამენტარები ასევე აღნიშნავენ, რომ საეჭვოა, მიიღებდა თუ არა საქართველო ევროპული კავშირის მაკროფინანსურ დახმარებას იმის გათვალისწინებით, რომ „ქართულმა ოცნებამ“ არ გაატარა კრიტიკული რეფორმები მართლმსაჯულების მიმართულებით და არ უზრუნველყო მართლმსაჯულების უფრო მეტი დამოუკიდებლობა, გამჭვირვალობა და ეფექტიანობა. შესაბამისად, დღეს ევროპარლამენტი პირდაპირ აცხადებს, რომ „ქართული ოცნება“ საერთოდაც არ მიიღებდა მაკროფინანსურ დახმარებას, რადგან მან უარი განუცხადა რეფორმისტულ დღის წესრიგს. იმიტომ, რომ „ქართულმა ოცნებამ“ კიდევ ერთხელ თავისი პარტიულ-პოლიტიკური ეგო გადაცვალა ქართულ სახელმწიფოებრივ ინტერესში“, - განაცხადა გეგელიამ.

როგორც ის განმარტავს, დღეს საქართველოს ყველა დახმარება სჭირდება, რაც კი შეიძლება მან მიიღოს ყველა მნიშვნელოვანი პარტნიორისგან.

„300 მილიონი ლარი არის ძალიან მნიშვნელოვანი და მსუყე დახმარება, რომელიც გაჭირვებაში მყოფ საქართველოს ძალიან წაადგებოდა. ჩვენთვის კარგად იყო ცნობილი და ახლა ვხედავთ დასტურს, რომ „ქართულმა ოცნებამ“ ე.წ. უარი განაცხადა მხოლოდ იმიტომ, რომ იცოდა, ევროპარლამენტი უარს იტყოდა დახმარებაზე, რადგან „ქართულმა ოცნებამ“ არ გაატარა მართლმსაჯულების რეფორმები. ამის ფაქტობრივ დადასტურებას ვხედავთ ევროპარლამენტის საგარეო ურთიერთობათა კომიტეტის თავმჯდომარის და სამხრეთ კავკასიის დელეგაციის ხელმძღვანელისგან. ვფიქრობ, რომ ეს არის მკაფიო მესიჯი, რომელიც გვაჩვენებს, რომ „ქართულმა ოცნებამ“ გაწირა ქართველი ხალხი დამატებითი სიღარიბისთვის, უპერსპექტივობისთვის და ევროპული ინტეგრაციის კურსის გაჭიანურებისთვის. „ქართულმა ოცნებამ“ სისტემატური ძალისხმევაა, მთელი ამ წლების განმავლობაში ჩამოაშორა საქართველო ევროპული ინტეგრაციის კურსს, დატოვა ჩვენ ქვეყანა ყოველგვარი პერსპექტივის გარეშე და თავისი უპასუხისმგებლობით ქართველი ხალხი აზარალა ყოველ ჯერზე“, - განაცხადა გრიგოლ გეგელიამ.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა