კორონავირუსის წარმოშობის შესასწავლად ჯანდაცვის მსოფლიო ორგანიზაციამ ახალი სამუშაო ჯგუფი შექმნა.
ორგანიზაციის განცხადების თანახმად, ვირუსის წარმოშობა მსოფლიოში ბუნებრივი პროცესია და სამუშაო ჯგუფის მიზანი იქნება მომავალში ახალი პანდემიები თავიდან ავირიდოთ.
როგორც ცნობილია ექსპერტთა სამუშაო ჯგუფი მუდმივი ორგანო იქნება, მისი წევრები კი შეეცდებიან პანდემიის საკითხის პოლიტიზირება არ მოხდეს.
”ჩვენი მიზანია არ მოხდეს პანდემიის პოლიტიზირება და ის მეცნიერებას დავუბრუნოთ. უნდა შეიკრიბონ მსოფლიოს საუკეთესო მეცნიერები და მის მოგვარებაზე იზრუნონ“, - განაცხადა ჯანმო-ს COVID-19–ის ტექნიკურმა ხელმძღვანელმა მარია ვან კერხოვმა.