კოსოვოს ქალაქ მიტროვიცაში, სადაც ძირითადად სერბები ცხოვრობენ პოლიციამ კონტრაბანდის წინააღმდეგ სპეცოპერაცია ჩაატარა, რა დროსაც სამართალდამცავებსა და ადგილობრივებს შორის დაპირისპირება მოხდა.

პოლიციამ შეკრებილების დაშლა ცრემლსადენი გაზის გამოყენებით სცადა, საპასუხოდ კი აქტივისტებმა მათ ცეცხლი გაუხსნეს და ყუმბარები ესროლეს.

Reuters-ის ინფორმაციით, დაპირისპირების დროს 10 სამართალდამცავი და 10 აქტივისტი დაშავდა.

შეგახსენებთ, კოსოვო სერბეთს 2008 წელს გამოეყო და დამოუკიდებლობა გამოაცხადა. დღესდღეობით კოსოვოში 50 000-მდე სერბი ცხოვრობს.