მედია - ნორვეგიაში 5 ადამიანის მკვლელობაში ეჭვმიტანილი პოლიციისთვის ცნობილი იყო, რადგან მისი რადიკალიზების საფრთხე არსებობდა

მამაკაცმა, რომელიც ნორვეგიაში მშვილდ-ისრის გამოყენებით ხუთი ადამიანის მკვლელობის გამო დააკავეს, გარკვეული დროის წინ ისლამი მიიღო, - BBC-ის ინფორმაციით, ამის შესახებ ადგილობრივმა პოლიციამ განაცხადა.

გამოცემის ცნობით, ეჭვმიტანილი პოლიციისთვის ცნობილი იყო, რადგან მისი რადიკალიზების საფრთხე არსებობდა. დაკავებული პირი დანიის 37 წლის მოქალაქეა. პოლიციამ მისი აყვანა თავდასხმის დაწყებიდან 6 წუთში სცადა, თუმცა მამაკაცმა სამართალდამცავებს წინააღმდეგობა გაუწია და დაკავების პროცესი რამდენიმე წუთს გაგრძელდა.

შეგახსენებთ, თავდასხმა გუშინ, ქალაქ კონგსბერგში მოხდა, რის შედეგადაც დაიღუპა ხუთი და დაშავდა ორი ადამიანი. სამართალდამცავები ვარაუდობენ, რომ მამაკაცი მარტო მოქმედებდა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს