გიგა ბოკერია - არც ერთი ფორმით არ არის დასაშვები ჩვენი ეროვნული ინტერესებისთვის რუსეთის მარიონეტული ხელისუფლებების რაიმე სახით ჩართვა საოკუპაციო ხაზის ე.წ. დელიმიტაციის პროცესში

პრინციპულად დაუშვებელია კომპრომისი და მარიონეტული ხელისუფლების რაიმე სახით ჩართვა საოკუპაციო ხაზის ე.წ დელიმიტაციაში, - ასე შეაფასა „ევროპული საქართველოს“ თავმჯდომარე გიგა ბოკერიამ რუსული მხარის შეთავაზება, “დაიწყოს საქართველოს, აფხაზეთსა და სამხრეთ ოსეთს შორის საზღვრის დელიმიტაციის პროცესი, მათი შემდგომი დემარკაციით”.

ბოკერიას თქმით, არავინ არ უნდა მოტყუვდეს, რომ ამის შედეგად რაიმენაირად აგრესიას შეაჩერებენ.

„რუსეთის ფედერაციას პერიოდულად ყოველთვის ჰქონდა ხოლმე მცდელობა, ოკუპაციის ამ ტიპის მცდელობებით მარიონეტული ხელისუფლებების ლეგიტიმაცია მოეხდინა. რა თქმა უნდა, ამ ტიპის დისკუსიაში შესვლაც კი არც ერთი ფორმით არ არის დასაშვები ჩვენი ეროვნული ინტერესებისთვის, ჯერ ერთი არავინ არ უნდა მოტყუვდეს, რომ ამის შედეგად რამენაირად შეაჩერებენ აგრესიას, პირიქით, გაიმტკიცებენ მდგომარეობას დიპლომატიურად, კიდევ უფრო დიდ პრობლემას შეუქმნიან ჩვენს ქვეყანას ფიზიკურად და ამასთან ერთად, პოლიტიკურად. პრინციპულად დაუშვებელია კომპრომისი და მარიონეტული ხელისუფლების რაიმე სახით ჩართვა ე.წ საოკუპაციო ხაზის დელიმიტაციაში“, - განაცხადა ბოკერიამ.

რუსეთის საგარეო უწყება განცხადებას ავრცელებს და აღნიშნავს, რომ რუსული მხარის შეთავაზებაა, დაიწყოს საქართველოს, აფხაზეთსა და სამხრეთ ოსეთს შორის საზღვრის დელიმიტაციის პროცესი, მათი შემდგომი დემარკაციით.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია