თინა ბოკუჩავა - ივანიშვილის რეჟიმის განმავლობაში, ოპოზიციის მიერ ორგანიზებული ასეთი მრავალრიცხოვანი აქცია არ გვახსოვს

ივანიშვილის რეჟიმის განმავლობაში, ოპოზიციის მიერ ორგანიზებული ასეთი მრავალრიცხოვანი აქცია არ გვახსოვს, ყველას ძალიან კარგად ესმის რამდენად გარდამტეხ მომენტშია საქართველო, - ამის შესახებ ,,ნაციონალური მოძრაობის” ერთ-ერთმა ლიდერმა, თინა ბოკუჩავამ თავისუფლების მოედანზე მიხეილ სააკაშვილის გათავისუფლების მოთხოვნით მიმდინარე აქციასთან დაკავშირებით განაცხადა.

როგორც მან ,,ინტერპრესნიუსთან” საუბრისას აღნიშნა, პრეზიდენტი სააკაშვილი არის ისე ამაყი როგორც არასოდეს, როდესაც ხედავს, რომ ,,საქართველო არის ერთად და იბრძვის ქვეყნის თავისუფლებისთვის”.

,,ათობით ათასი ადამიანია თავისუფლების მოედანზე შეკრებილი, მთელი რუსთაველი არის გადაჭედილი, მოქალაქეთა აბსოლუტური უმრავლესობა ხვდება რამდენად მნიშვნელოვანი მომენტია ქვეყნის ცხოვრებაში. პრეზიდენტი სააკაშვილი, რომლისთვის შიმშილობის მეთოთხმეტე დღეა არის დღეს ამაყი ისე, როგორც არასოდეს, როდესაც ხედავს, რომ საქართველო არის ერთად და იბრძვის ქვეყნის თავისუფლებისთვის, რისთვისაც ჩამოვიდა ქვეყანაში და ასეთი თავგანწირვა გამოიჩინა. ეს არის აქცია არამხოლოდ მიხეილ სააკაშვილის, არამედ ქვეყნის თავისუფლებისთვის. ჩვენ ვიბრძვით, რომ ქვეყანა თავისუფალი იყოს რუსეთის, პუტინის გავლენისგან და კოლაბორაციონისტი მთავრობისგან. პრეზიდენტმა სააკაშვილმა შექმნა წარმატებული საქართველოს იდეა და სწორედ ამ იდეისთვის ისჯება ივანიშვილის ხელით, პუტინის მიერ”, - აღნიშნა თინა ბოკუჩავამ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს