უცხოური მედია მიხეილ სააკაშვილის გათავისუფლების მოთხოვნით გამართულ აქციას ეხმიანება

ათიათასობით ქართველმა დედაქალაქ თბილისში პატიმრობაში მყოფი ექსპრეზიდენტის, მიხეილ სააკაშვილის გათავისუფლების მოთხოვნით საპროტესტო აქცია გამართა, - ინფორმაციას „ფრანს-პრესი“ ავრცელებს.

„დემონსტრანტებმა, რომლებიც სააკაშვილის სახელს სკანდირებდნენ და ეროვნულ დროშებს აფრიალებდნენ, გაავსეს თავისუფლების მოედანი და რუსთაველის გამზირი. „ფრანს-პრესის“ კორესპონდენტის შეფასებით, 50 000-ზე მეტი ადამიანი იყო შეკრებილი,“- წერს გამოცემა.

სტატიაში აღნიშნულია, რომ სააკაშვილის მიმართ სისხლის სამართლებრივმა დევნამ დასავლეთი შეაშფოთა, მისმა დაკავებამ კი საქართველოში პოლიტიკური კრიზისი გააღრმავა.

„დღევანდელი მთავრობის მიერ სააკაშვილისა და მისი ბევრი მოკავშირის მიმართ სისხლის სამართლებრივმა დევნამ დასავლეთში შეშფოთება გამოიწვია. შეერთებულმა შტატებმა, დემოკრატიის გზაზე უკანდახევის გამო, ქართველი ჩინოვნიკების წინააღმდეგ შესაძლო სანქციების დაწესებაზე მიანიშნა.

სააკაშვილის დაკავებამ გააღრმავა გაჭიანურებული პოლიტიკური კრიზისი საქართველოში,“- აღნიშნულია სტატიაში.

გუშინ გამართულ აქციას გამოცემა „დოიჩე ველეც“ ეხმიანება სტატიით : „პატიმრობაში მყოფი ექსპრეზიდენტი სააკაშვილისთვის ათასობით ადამიანმა აქცია გამართა.“

„ათიათასობით ქართველი თბილისის ცენტრალური ნაწილის ქუჩებში გამოვიდა, რათა პატიმრობაში მყოფი ყოფილი პრეზიდენტის, მიხეილ სააკაშვილის მიმართ მხარდაჭერა გამოეხატა. დემონსტრანტები პატიმრობიდან მის გათავისუფლებას მოითხოვდნენ,“- წერს „დოიჩე ველე“.

აქციის შესახებ წერს Reuters-იც. სააგენტოს მიერ გამოქვეყნებულ სტატიაში აღნიშნულია, რომ საქართველოს ყოფილი პრეზიდენტის, მიხეილ სააკაშვილის ათასობით მხარდამჭერმა დროშებით ხელში თბილისში საპროტესტო აქცია გამართა და მისი გათავისუფლება მოითხოვა.

„შეკრებილებში ბევრი ეროვნული დროშა ჩანდა, ზოგიერთს კი ევროკავშირისა და უკრაინის დროშებიც ეკავა,“- აღნიშნულია Reuters-ის სტატიაში.

სააგენტო წერს, რომ ოპოზიციის ნაწილი მიხეილ სააკაშვილს ლიდერად მიიჩნევს, კრიტიკოსები მმართველი პარტიიდან კი მას „კლოუნს“ უწოდებენ.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე