აქციამ აჩვენა, რომ ჩვენს ქვეყანაში ძალიან დიდია ოპოზიციური ამომრჩევლის მუხტი - ეს არის ერთგვარი გაფრთხილება "ქართული ოცნებისთვის", არ გაბედოს იგივე მაქინაციებს მიმართოს, რაც გამოიყენა 2 ოქტომბერს, - ამის შესახებ ჟურნალისტებთან ფრაქცია "შარლ მიშელის რეფორმების ჯგუფის" დეპუტატმა, ხათუნა სამნიძემ განაცხადა.
სამნიძის თქმით, ხელისუფლება სჯობს დაფიქრდეს, ვიდრე მეორე ტურში გაყალბებას დაგეგმავს. მისივე თქმით, სწორედ ეს იყო ერთ-ერთი გზავნილიც გუშინდელ აქციაზე.
"როგორც არაერთხელ აღვნიშნეთ, სააკაშვილი არის პოლიტიკური პატიმარი, პოლიტიკური დევნის ობიექტი, ამას ადასტურებენ ასევე ჩვენი პარტნიორები, არასამთავრობო ორგანიზაციები და ამას ადასტურებს პრემიერ- მინისტრის უპასუხისმგებლო, ანტისახელმწიფოებრივი განცხადება, რომელიც იმუქრება მუხლების დამატებით, თუ ისე არ მოიქცევა დატუსაღებული ადამიანი, როგორც მას უნდა,"- განაცხადა სამნიძემ.