სომხეთი მზადაა, ტყვეების სანაცვლოდ აზერბაიჯანს დანაღმული ველების რუკები გადასცეს, - ამის შესახებ სომხეთის პრემიერ-მინისტრმა დამოუკიდებელ სახელმწიფოთა თანამეგობრობის (დსთ) მონაწილე ქვეყნების მეთაურების შეხვედრაზე განაცხადა.
ფაშინიანის თქმით, 2020 წლის 9 ნოემბრის სამმხრივი შეთანხმების მე-8 პუნქტის გათვალისწინების მიუხედავად, აზერბაიჯანულ მხარეს სამშობლოში ჯერ კიდევ არ დაუბრუნებია „ყველა სომეხი ტყვე“.
ფაშინიანმა კიდევ ერთხელ გაიმეორა ოფიციალური ერევნის მზადყოფნა აზერბაიჯანს გადასცეს დანაღმული ველების შესახებ ის რუკები. „ეს არის ჰუმანიტარული საკითხი და ჩვენ იმედი გვაქვს, რომ უახლოეს მომავალში გადაიჭრება“, - აღნიშნა სომხეთის პრემიერმა.