ავღანეთის ქალაქ ყანდაარში შიიტურ მეჩეთზე მომხდარი თავდასხმის შედეგად დაღუპულთა რაოდენობა 37-მდე გაიზარდა, - ინფორმაციას BBC-ი ავრცელებს.
გამოცემის ცნობით, დაშავებულია 70-მდე ადამიანი.
თვითმხილველების განცხადებით, თავდასხმა სამმა თვითმკვლელმა-ტერორისტმა მოაწყო.
მომხდარზე პასუხისმგებლობა ჯერჯერობით არავის აუღია.
შეგახსენებთ, გასულ პარასკევს ქალაქ ყუნდუზის მეჩეთში თვითმკვლელმა-ტერორისტმა თავი აიფეთქა, რასაც მინიმუმ 50 ადამიანის სიცოცხლე ემსხვერპლა. თავდასხმაზე პასუხისმგებლობა დაჯგუფება „ისლამურმა სახელმწიფო - ხორასანმა“ აიღო.