თენგიზ ცერცვაძე - სუფთა სამედიცინო თვალსაზრისით, ალბათ ხელსაყრელი იყო, რომ გამოგვეცხადებინა მკაცრი შეზღუდვები, რაც გარკვეულ შედეგს მოიტანდა, მაგრამ მოიტანდა უკუშედეგსაც

სუფთა სამედიცინო თვალსაზრისით, ალბათ ხელსაყრელი იყო, რომ გამოგვეცხადებინა მკაცრი შეზღუდვები, რაც გარკვეულ შედეგს მოიტანდა, მაგრამ მოიტანდა უკუშედეგსაც, - ძლივს აღორძინებული ეკონომიკის და გაშლილი ბიზნესის ხელახლა ჩაკეტვას, - ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ ჟურნალისტებს განუცხადა.

მისივე განმარტებით, იმისთვის, რომ ხელახლა არ ამოქმედებულიყო მკაცრი შეზღუდვები, მთელი დარტყმა თავის თავზე კლინიკურმა სექტორმა აიღო.

როგორც ცერცვაძემ აღნიშნა, მოსახლეობა ვაქცინაციაზე უარის თქმით, საფრთხეს უქმნის როგორც საკუთარ თავს, ასევე გარშემომყოფებსაც.

„კრიტიკული მაჩვენებელი იქნება ის, როდესაც კლინიკური სექტორი იმდენად გადაიტვირთება, რომ ვერ შევძლებთ ყველა ახლად დაინფიცირებული ავადმყოფის დაბინავებას და მათ სრულფასოვან მოვლას, - აქამდე ჯერ კიდევ არის გზა. დღეს ჰოსპიტალიზებულია 5 ათასამდე პაციენტი. სუფთა სამედიცინო თვალსაზრისით, ალბათ ხელსაყრელი იყო, რომ გამოგვეცხადებინა მკაცრი შეზღუდვები, როგორც ეს ბევრმა ქვეყანამ გააკეთა და ეს გარკვეულ შედეგს მოიტანდა, მაგრამ მოიტანდა უკუშედეგსაც, - ძლივს აღორძინებული ეკონომიკის და გაშლილი ბიზნესის ხელახლა ჩაკეტვას, შემოსავლების შემცირებას და შესაბამისად, მოსახლეობისთვის დიდი დისკომფორტის შექმნას. ამიტომ, მოსახლეობის თხოვნაა, რომ ჩვენ ავიღოთ მთელი დარტყმა კლინიკურმა სექტორმა, ჩვენ თავზე და მათ ნუ დავუწესებთ შეზღუდვებს. მთავრობა მიდის ამ გზით, შეზღუდვები არის მინიმალური, შეიძლება ითქვას თითქმის არ არის და მთელ დარტყმას ვიღებთ კლინიკური სექტორი. თუმცა, აუცილებელია ვაქცინაცია, არ შეიძლება ზურგში დანის ჩარტყმა. ის ანტივაქსერებიც უნდა მოეგონ გონს, ესაა საკუთარი ჯანმრთელობის და ქვეყნის საბოტაჟი და რისკის ქვეშ დაყენება. ყველა წუხს, რომ ამდენი სიკვდილობაა, გავწყდით ქართველები, თუ ცოცხალი არ დავრჩით, რაღად გვინდა ეკონომიკა და ამ დროს თითს არ ანძრევს იმისთვის, რომ ეს სიკვდილობა და ახალი შემთხვევები შეამციროს“, - განაცხადა თენგიზ ცერცვაძემ.

მისი თქმით, ხელისუფლებამ უნდა გააძლიეროს კონტროლი სამედიცინო პირბადის ტარებაზე.

„პირბადეების ტარება თბილისში შედარებით გამოსწორდა, მაგრამ რეგიონებში ისევ არა. ამიტომ, ვთხოვ, ისევ მოვუწოდებ ხელისუფლებას, რომ გააძლიეროს კონტროლი არსებული რეგულაციების აღსრულებაზე“, - აღნიშნა ცერცვაძემ.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა