სამშენებლო და სარემონტო ჰიპერმარკეტების ქსელმა „გორგიამ“ მხარდაჭერა გამოუცხადა ბათუმის ტრაგედიის შედეგად დაზარალებულ ოჯახებს. კომპანიამ გადაწყვიტა ყველა ოჯახს მათთვის საჭირო ტექნიკა, ავეჯი და საყოფაცხოვრებო ნივთები გადასცეს.

ამის შესახებ განცხადება „გორგიას“ ოფიციალურ ფეისბუქგვერდზე გამოქვეყნდა. „ბათუმის ტრაგედია ყველამ ძალიან განვიცადეთ. თითოეული ჩვენგანი ვიაზრებთ, რომ ის დანაკარგი, რომლითაც 8 ოქტომბერმა თავი დაგვამახსოვრა, ვერაფრით ანაზღაურდება. თუმცა, ამავე დროს, მნიშვნელოვანია, ერთმანეთს გვერდში დავუდგეთ“, – ნათქვამია „გორგიას“ მიერ გამოქვეყნებულ განცხადებაში.

8 ოქტომბერს ბათუმში, 26 მაისის ქუჩაზე, საცხოვრებელი კორპუსის ერთი სადარბაზო ჩამოინგრა. ნანგრევებში 10 ადამიანი მოყვა. 9 მათგანი, მათ შორის, 3 ბავშვი დაიღუპა.

(R)