ირანის ეროვნული უშიშროების უმაღლესი საბჭოს მდივანი ილჰამ ალიევს მოუწოდებს, „ეშმაკის მიერ დაგებულ მახეებს“ უფრთხილდეს
ირანის ეროვნული უშიშროების უმაღლესი საბჭოს მდივანი ალი შამხანი აზერბაიჯანის პრეზიდენტის ილჰამ ალიევის მიერ ირანის შესახებ ბოლო დროს გაკეთებულ განცხადებებს ეხმიანება და მეზობელი ქვეყნის ლიდერს მოუწოდებს, „ეშმაკის მიერ დაგებულ მახეებში“ არ გაებას.
„სამეზობლოს პრინციპების და მოთხოვნების უგულვებელყოფა და ყალბი განცხადებების გაკეთება არ არის ტაქტიანობის ნიშანი“, - წერს ალი შამხანი „ტვიტერზე“.
მისი თქმით, აზერბაიჯანს მსოფლიო აღიარებს, როგორც ნარკოტიკებთან ბრძოლის კუთხით გმირ ქვეყანას.
„უფრთხილდით ეშმაკის მახეებს“, - წერს ირანის ეროვნული უშიშროების უმაღლესი საბჭოს მდივანი.
შეგახსენებთ, ილჰამ ალიევმა გუშინ განაცხადა, რომ ყარაბაღში კონფლიქტის შემდეგ, 2020 წელს, აზერბაიჯანმა ბარიერი შეუქმნა ნარკოტრეფიკს ირანიდან მანამდე სომხეთის მიერ კონტროლირებადი ტერიტორიის გავლით.
მისი თქმით, ამის შემდეგ დაკავებული ჰეროინის მოცულობა აზერბაიჯანი-ირანის საზღვრის სხვა მონაკვეთზე ორჯერ გაიზარდა.
ალიევის განცხადებით, „30 წლის განმავლობაში, სომხეთი ირანთან შეთანხმებით იყენებდა აზერბაიჯანის ყოფილ ოკუპირებულ ტერიტორიებს ევროპაში ნარკოტრეფიკის განსახორციელებლად“.
v-if="article.gallery" v-html="article.gallery"
