ვენესუელას მთავრობა ოპოზიციასთან მოლაპარაკებებს წყვეტს, მას შემდეგ, რაც მათ დასავლეთ აფრიკის სახელმწიფო კაბო - ვერდეში დაკავებული კოლუმბიელი ბიზნესმენი, ალექს სააბის ფულის გათეთრების ბრალდებით აშშ-ს გადასცეს. ამის შესახებ ინფორმაციას Reuters ავრცელებს.

მოლაპარაკებების შეწყვეტის შესახებ განცხადება სოციალისტური პარტიის კანონმდებელმა ხორხე როდრიგესმა გააკეთა, რომელიც მთავრობის მოლაპარაკებათა ჯგუფს ხელმძღვანელობდა.

მისი თქმით, ვენესუელის მთავრობა მოლაპარაკებებს, რომელიც დღეს უნდა დაწყებულიყო, აღარ დაესწრება.

2019 წელს აშშ-ს იუსტიციის დეპარტამენტმა სააბს ბრალი მექრთამეობის სქემაში მონაწილეობაში დადო, რომლის მიხედვითაც სახელმწიფოს მიერ კონტროლირებადი გაცვლითი კურსის მის სასარგებლოდ გამოყენება ხდებოდა. აშშ-მ ბიზნესმენს ასევე დაუწესა სანქციები შეთანხმებული კორუფციის ბრალდებით, რომლის საშუალებითაც ვენესუელის პრეზიდენტი ნიკოლას მადურო და ალექს სააბი სასურსათო სუბსიდირების პროგრამიდან მოგებას იღებდნენ.

2020 წლის ივნისში ვენესუელის პრეზიდენტ ნიკოლას მადუროსთან დაახლოებული ბიზნესმენი დააკავეს.