უნგრეთში, მომავალი წლის გაზაფხულზე დანიშნულ არჩევნებში პრემიერ-მინისტრ ვიქტორ ორბანის კონკურენტი ოპოზიციის ერთიანი კანდიდატი პიტერ მარკი-ზაი იქნება.

კონსერვატორი პიტერ მარკი-ზაი, რომელიც პატარა ქალაქ ჰოდმეზევაშარჰეის მერია, ექვსი ოპოზიციური პარტიის კოალიციის ორგანიზებით გამართული პრაიმერის მეორე ტურის გამარჯვებული გახდა და შესაბამისად, უნგრეთის მემარჯვენე პრემიერს სწორედ ის დაუპირისპირდება. პოლიტიკური დევიზის - „ნებისმიერი, ორბანის გარდა“ - ქვეშ გაერთიანებული ექვსი ოპოზიციური პარტია მიიჩნევს, რომ იდეოლოგიური განსხვავებულობის გვერდზე გადადება და ერთიანი კანდიდატის წარდგენა, მათი შეფასებით დაუბალანსებელი მედია გარემოსა და მმართველი, პარტია Fidesz-სთვის შექმნილი საარჩევნო სისტემის დასაპირისპირებლად“ ერთადერთი გზაა.

ცნობისათვის, უნგრეთში საპარლამენტო არჩევნების გამართვა 2022 წლის აპრილშია დაგეგმილი.