„ტრიბუნას“ ლიდერის დავით ჭიჭინაძის განცხადებით, საქართველოს ყოფილი პრეზიდენტის მიხეილ სააკაშვილის შიმშილობასთან დაკავშირებით „ქართულ ოცნებაში“ კარგად უნდა დაფიქრდნენ.

როგორც ჭიჭინაძე აღნიშნავს, სააკაშვილს, რომელსაც ათეულობით ათასი ადამიანი უჭერს მხარს, არ შეიძლება ისე მოექცე, როგორც რიგითს.

"მიხეილ სააკაშვილის ჯანმრთელობის გაუარესება არ შეიძლება „ქართული ოცნებისთვის“ ჯანმრთელად დასრულდეს, ამიტომ კარგად უნდა დაფიქრდნენ „ოცნებაში“, სანამ ჯერ კიდე გვიანი არაა. თან, ამდენი ათეულობით ათასი ადამიანის მხარდაჭერილს არ შეიძლება ისე მოექცე, როგორც რიგითს.

მოკლედ, გარდა იმისა, რომ არც ერთი თავმოყვარე პოლიტიკოსი უბრალოდ აღარ ჩამოვა და ამათ არ დაელაპარაკება, წინ უმძიმესი ზამთარი გველის, გაძვირებული გადასახადებით, გაზრდილი პროცენტებით და ადამიანების გაუსაძლისი ყოფით. გაბრაზებული ხალხის ხარჯზე ნაშოვნი მილიონები კიდევ, იშვითად თუ ვინმეს შერჩენია“, - აცხადებს დავით ჭიჭინაძე.