რუსეთში, გასული დღე-ღამის განმავლობაში, კორონავირუსით დაინფიცირების 34 325 შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან.
ამასთან, რუსეთში, ბოლო 24 საათში, ვირუსს კიდევ 998 ადამიანი ემსხვერპლა. რუსეთში ჯამში, ინფიცირების 8 027 012 შემთხვევაა დადასტურებული, აქედან ვირუსით 224 310 ადამიანი გარდაიცვალა, გამოჯანმრთელდა 6.98 მილიონზე მეტი პაციენტი.
პლატფორმა worldometer-ზე გამოქვეყნებული სტატისტიკის თანახმად, კოვიდინფიცირებული პაციენტების რაოდენობის მიხედვით, რუსეთი მსოფლიოში მე-5 ადგილზეა აშშ-ის, ინდოეთის, ბრაზილიისა და გაერთიანებული სამეფოს შემდეგ.