აზერბაიჯანის საგარეო საქმეთა მინისტრი ჯეიჰუნ ბაირამოვი აცხადებს, რომ სომხეთის მხრიდან პოზიტიური გზავნილები კეთდება, თუმცა პოზიტიური ქმედებები ჯერ არ ჩანს.

„მიუხედავად იმისა, რომ პოზიტიური გზავნილები კეთდება, პოზიტიურ ნაბიჯებს ვერ ვხედავთ. იმედი გვაქვს, უახლოეს მომავალში პრაქტიკულ ნაბიჯებსაც დავინახავთ,“ - განაცხადა აზერბაიჯანის საგარეო საქმეთა მინისტრმა ყატარელ კოლეგასთან, კოლეგა შეიხ მუჰამედ ბინ აბდულრაჰმან ალ-თანისთან, შეხვედრის შემდეგ.

მან ხაზი გაუსვა სომხეთთან საზღვრის დელიმიტაციისა და დემარკაციის პროცესის დროულად დაწყებისა და საკითხის გადაწყვეტის მნიშვნელობას.

„ჩვენ ვაკვირდებით პროცესს ამ მიმართულებით, გადადგმულ პოზიტიურ ნაბიჯებს პოზიტიური ნაბიჯებითვე ვუპასუხებთ. ვურჩევთ იმ ძალებს, რომლებიც რევანშისკენ მოუწოდებენ, ნუ წავლენ არასწორი მიმართულებით, ვინაიდან ასეთი საუბრები კარგ შედეგს არ გვიქადის,“- აღნიშნა აზერბაიჯანის საგარეო უწყების ხელმძღვანელმა.

მისი თქმით, მნიშვნელოვანია, ხელმოწერილი დოკუმენტების განხორციელება.