ირაკლი ბერაია - აშშ-ის თავდაცვის მდივნის საქართველოში ვიზიტი, ამერიკის უმაღლეს პოლიტიკურ და ეროვნული უსაფრთხოების დღის წესრიგში, საქართველოს პრიორიტეტულობას ადასტურებს

აშშ-ის თავდაცვის მდივნის საქართველოში ვიზიტი, ამერიკის უმაღლეს პოლიტიკურ და ეროვნული უსაფრთხოების დღის წესრიგში, საქართველოს პრიორიტეტულობას ადასტურებს, - ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარემ, ირაკლი ბერაიამ ბრიფინგზე განაცხადა.

მან ამერიკის შეერთებული შტატების თავდაცვის მდივნის, ლოიდ ოსტინის საქართველოში ოფიციალური ვიზიტის მნიშვნელობაზე ისაუბრა და ყურადღება ორ ქვეყანას შორის არსებულ სტრატეგიულ პარტნიორობაზე გაამახვილა.

„საქართველოში ოფიციალური ვიზიტით იმყოფება ჩვენი მთავარი სტრატეგიული პარნტიორის - აშშ-ის თავდაცვის მდივანი, რაც გამოხატავს ორ ქვეყანას შორის მტკიცე სტრატეგიულ პარტნიორობას, მის გაძლიერებას, საქართველოს სუვერენიტეტის, ტერიტორიული მთლიანობის და ევროატლანტიკური ინტეგრაციის ურყევ მხარდაჭერას. ვიზიტი ადასტურებს ამერიკის უმაღლეს პოლიტიკურ და ეროვნული უსაფრთხოების დღის წესრიგში საქართველოს პრიორიტეტულობას, ისევე როგორც ფართო შავი ზღვის რეგიონის და მთლიანად, ევროატლანტკური სივრცის უსაფრთხოებაში საქართველოს როლს და მნიშვნელობას. ამას ხაზს უსვამს ის ფაქტიც, რომ თავდაცვის მდივანი რეგიონული ტურნეს შემდეგ, მიემგზავრება ბრიუსელში, ნატო-ს თავდაცვის მინისტერიალში მონაწილეობის მისაღებად.

ეს ისტორიული მნიშვნელობის ვიზიტი , არის ერთის მხრივ, მთავარი სტრატეგიული პარტნიორის მხრიდან უდიდესი მხარდაჭერის და მეორეს მხრივ, საქართველოში გატარებული ამბიციური დემოკრატიული რეფორმების, თავდაცვის სფეროს წარმატებული ტრანსფორმაციის, ჩვენს მიერ ორმხრივი ურთიერთობების გამყარებისკენ გადადგმული ნაბიჯების და მათი აღიარების პირდაპირი შედეგი. ქართულ-ამერიკულმა სტრატეგიულმა პარტნიორობამ, ორ ქვეყანას შორის თავდაცვისა და უსაფრთხოების სფეროში თანამშრომლობამ, მიაღწია ყველა დროის მაქსიმუმს, როგორც მასშტაბებით ასევე შინაარსობრივი თვალსაზრისით", - განაცხადა ირაკლი ბერაიამ.

კომიტეტის თავმჯდომარემ ორ ქვეყანას შორის სტრატეგიული თანამშრომლობის მიმართულებებზე ისაუბრა და ამის მაგალითად ამერიკის ბიუჯეტის და ეროვნული თავდაცვის ავტორიზაციის აქტებში საქართველოს და მისი თავდაცვითი შესაძლებლობების გაძლიერების მხარდაჭერის ჩანაწერები, 2016 და 2019 წლებში ხელმოწერილი უსაფრთხოების ჩარჩო შეთანხმებები, გაზრდილი საგარეო სამხედრო დაფინანსება, საქართველოს თავდაცვის მზადყოფნის პროგრამა, ტოტალური თავდაცვის მიდგომის დანერგვაში მხარდაჭერა, უახლესი ანტისატანკო შეიარაღების, ცეცხლსასროლი იარაღისა და აღჭურვილობის მოწოდება საბრძოლო მომზადების ცენტრის განვითარება დაასახელა.

„წლების განმავლობაში ქართველი და ამერიკელი სამხედროები, ერთმანეთის მხარდამხარ, მსოფლიოს ყელაზე ცხელ წერტილებში უზრუნველყოფდნენ სტაბილურობას, იცავდნენ საერთაშორისო მშვიდობას და უსაფრთხოებას.

ჩვენ უდიდეს მნიშვნელობას ვანიჭებთ, საქართველოს თავდაცვის უწყებასა და შეერთებული შტატების თავდაცვის დეპარტამენტს შორის საქართველოს თავდაცვისა და შეკავების გაძლიერების შესახებ ახალ შეთანხმებას, რაც მიზნად ისახავს თავდაცვის ძალების ბრძოლისუნარიანობის, შეკავების შესაძლებლობების და ნატო-სთან თავსებადობის შემდგომ ამაღლებას. ამ შეთანხმებას თვისობრივად ახალ ეტაპზე გადაჰყავს ქართულ-ამერიკული სტრატეგიული პარტნიორობა და ეფუძნება თავდაცვის სფეროში დღემდე არსებული თანამშრომლობის მექანიზმების წარმატებულ იმპლემენტაციას, მათ შორის განსაკუთრებით თავდაცვის მზადყოფნის პროგრამის ფარგლებში მიღწეულ შთამბეჭდავ პროგრესს.

ქართულ-ამერიკულ სამხედრო თანამშრომლობას განსაკუთრებული მნიშვნელობა ენიჭება ფართო რეგიონში რუსული და სხვა მხრიდან მომდინარე კონვენციური და ჰიბრიდული ხასიათის საფრთხეების შეკავებაში, შავი ზღვის რეგიონის უსაფრთხოების განმტკიცებაში და საქართველოს ევროატლანტიკური ინტეგრაციის პროცესში. შესაბამისად, ჩვენ მივესალმებით აშშ-ის ლიდერობას და მის გაზრდილ ჩართულობას რეგიონში. ვიზიტი არის მკაფიო გზავნილი ყველასთვის, საქართველოს პარტნიორებისთვის და პირველ ყოვლისა საქართველოს მტრებისთვის, რომ ჩვენს ქვეყანას მხარს უჭერს და ზურგს უმაგრებს თავისუფალი სამყაროს ლიდერი სახელმწიფო.

თავდაცვის სფეროში ქართულ-ამერიკული თანამშრომლობის ეფექტიანობას უზრუნველოფენ ის ღირსეული ლიდერები და პროფესიონალები, რომლებიც ოკეანის ორივე მხარეს, თბილისში და ვაშინგტონში, საქართველოს თავდაცვის უწყებაში და პენტაგონში, შრომობენ და აძლიერებენ ამ თანამშრომლობას ჩვენი ქვეყნების ეროვნული ინტერესების და წესებზე დაფუძნებული საერთაშორისო წესრიგის დაცვისთვის. ამაში განსაკუთებული დამსახურება მიუძღვის ქართველ და ამერიკელ ხალხს, რომელთა საერთო ღირებულებებს და ურყევ ნებას ემყარება ჩვენს ქვეყნებს შორის მტკიცე და მზარდი სტრატეგიული პარტნიორობა", - განაცხადა ირაკლი ბერაიამ.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა