ლატვია, ინფიცირების შემთხვევების მატების გამო, სკოლებსა და მაღაზიებს ხურავს, ქვეყანაში ღამის „კომენდანტის საათი“  წესდება

ლატვიამ, კორონავირუსით ინფიცირების შემთხვევების შესამცირებლად 21 ოქტომბრიდან 15 ნოემბრამდე „ლოქდაუნი“ გამოაცხადა, - ინფორმაციას Reuters-ი ავრცელებს.

მთავრობის გადაწყვეტილებით, აღნიშნულ პერიოდში დაიხურება სკოლები, მაღაზიები, რესტორნები და გასართობი დაწესებულებები. საღამოს 8 საათიდან დილის 5 საათამდე კი ე.წ. „კომენდანტის საათი“ იმოქმედებს. არადისტანციურ რეჟიმში მხოლოდ აუცილებელი საწარმოო, სამშენებლო და კრიტიკულად მნიშვნელოვან სფეროებში დასაქმებულები განაგრძობენ მუშაობას.

ლატვიის პრემიერ-მინისტრმა კრისიანის კარინსმა განაცხადა, რომ შემთხვევების მატების მიზეზი ქვეყანაში ვაქცინაციის დაბალი ტემპია.

"ჩვენი ჯანდაცვის სისტემა საფრთხის წინაშეა. ამ კრიზისის ერთადერთი გამოსავალი არის ვაქცინაცია. ბოდიში უნდა მოვუხადო უკვე აცრილ ადამიანებს,“- განაცხადა პრემიერ-მინისტრმა კრისიანის კარინსმა მთავრობის საგანგებო სხდომის შემდეგ.

ლატვიის ჯანდაცვის სამსახურების ინფორმაციით, ქვეყანაში კოვიდ 19-ით ინფიცირების შემთხვევები წინა კვირასთან შედარებით 49 %-ით გაიზარდა. დედაქალაქ რიგაში ორ უდიდეს საავადმყოფოში კოვიდპაციენტებისთვის დამატებითი საწოლები დადგეს. აღსანიშნავია, რომ რამდენიმე დღის წინ კორონავირუსი ლატვიის პრეზიდენტს, ეგილს ლევიტსაც დაუდასტურდა.

ოფიციალური მონაცემებით ლატვიაში კორონავირუსის საწინააღმდეგო ვაქცინით სრულად ვაქცინირებულია მოსახლეობის 54%-ი, რაც ერთ-ერთი დაბალი მაჩვენებელია ევროკავშირის ქვეყნებს შორის.

იხილეთ ვიდეო:ლატვია, ინფიცირების შემთხვევების მატების გამო, სკოლებსა და მაღაზიებს ხურავს, ქვეყანაში ღამის "კომენდანტის საათი" წესდება

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა