აშშ ავღანეთის საკითხზე რუსეთის მიერ ორგანიზებულ მოლაპარაკებებს არ დაესწრება, - Reuters-ის ინფორმაციით, ამის შესახებ სახელმწიფო დეპარტამენტის პრესსპიკერმა, ნედ პრაისმა განაცხადა.
„ჩვენ არ მივიღებთ მონაწილეობას მოსკოვის მოლაპარაკებებში. „ტროიკა +“ იყო ეფექტური, კონსტრუქციული ფორუმი. ჩვენ ველოდებით ამ ფორუმის გაგრძელებაში ჩართვას, თუმცა არ შეგვიძლია მონაწილეობა მიმდინარე კვირაში. ლოგისტიკურად გვიჭირს ამ კვირაში მონაწილეობის მიღება, ” - განაცხადა ნედ პრაისმა.
ავღანეთის საკითხზე მოლაპარაკებებს მოსკოვი ოთხშაბათს უმასპინძლებს და მასში მონაწილეობას „თალიბანის“, რუსეთის, ჩინეთისა და პაკისტანის წარმომადგენლები მიიღებენ.
იხილეთ ვიდეო:ავღანეთის საკითხზე მოსკოვში დაგეგმილ მოლაპარაკებებს აშშ არ დაესწრება