შეიარაღებულმა პირებმა ნიგერიის სოკოტოს შტატში სულ 43 ადამიანი მოკლეს, - ინფორმაციას Reuters-ი შტატის გუბერნატორის ოფისზე დაყრდნობით ავრცელებს.
გავრცელებული ინფორმაციით, თავდასხმა ერთ-ერთ ბაზარში მოხდა. თვითმხილველების თქმით, შეიარაღებული პირები გამყიდველებითა და მყიდველებით სავსე ბაზარში შეიჭრნენ და ადამიანების მიმართულებით ისროდნენ.
ნიგერიაში უსაფრთხოებასთან დაკავშირებით სერიოზული კრიზისი არსებობს. გასული წლის განმავლობაში შეიარაღებულმა პირებმა ნიგერიის ჩრდილო -დასავლეთ ნაწილში ასობით ადამიანი მოკლეს ან გამოსასყიდის მიღების მიზნით გაიტაცეს.