პოლონეთის პრემიერ-მინისტრი მათეუს მორავიცკი ევროკავშირს კომპეტენციის გადაჭარბებაში ადანაშაულებს და აცხადებს, რომ პოლონეთი არ ეთანხმება ევროკავშირის ცენტრალიზაციას.
"ევროკავშირის კომპეტენციებს აქვს მკაფიო საზღვრები, ჩვენ არ უნდა ვიყოთ ჩუმად, როდესაც ეს საზღვრები ირღვევა. ამიტომ, ჩვენ ვეუბნებით „დიახ“-ს ევროპულ უნივერსალიზმს, მაგრამ ვეუბნებით „არა“-ს ევროპულ ცენტრალიზმს", - აღნიშნა მორავიცკიმ.
ბრიუსელი უკვე დიდი ხანია აცხადებს, რომ პოლონეთის მემარჯვენე მთავრობის მიერ განხორციელებული რეფორმები ძირს უთხრის სასამართლოს დამოუკიდებლობას, მაგრამ მათ შორის უთანხმოება მას შემდეგ გამძაფრდა, რაც რამდენიმე დღის წინ პოლონეთის საკონსტიტუციო სასამართლომ დაადგინა, რომ ევროპული ხელშეკრულებების ნაწილი ქვეყნის კონსტიტუციასთან შეუთავსებელია.