კახა კუჭავა სულ რომ "ქართული ოცნების" დროშით შესულიყო საარჩევნო უბანზე, ადამიანები, ვინც "ნაცმოძრაობას" უჭერენ მხარს, თავის მოსაზრებას არ შეიცვლიდნენ , - ამის შესახებ საქართველოს პარლამენტის პირველმა ვიცე - სპიკერმა გია ვოლსკიმ განაცხადა. ამით გია ვოლსკი გამოეხმაურა გადაწყვეტილებას, რომლის თანახმად, ვაკის მეორე ოლქში ,,ქართული ოცნების” სიმბოლიკით და საარჩევნო ნომრის მქონე პირბადით მისვლის გამო პარლამენტის თავმჯდომარე კახა კუჭავას სიტყვიერი გაფრთხილება მისცეს და ადმინისტრაციული სახდელისგან გათავისუფლდა.
კითხვაზე, ხომ არ წაახალისებს ეს გადაწყვეტილება არჩევნების დღეს საარჩევნო უბნებთან აგიტაციას, ვოლსკი აცხადებს, რომ ეს პრობლემა ნაკლებად დგას.
"ალბათ, სასამართლომ ეგრე ჩათვალა საჭიროდ, მაგრამ ფაქტია, კახა კუჭავა სულ რომ "ქართული ოცნების" დროშით შესულიყო, ადამიანები, ვინც "ნაცმოძრაობას" უჭერენ მხარს, თავის მოსაზრებას არ შეიცვლიდნენ. აქედან გამომდინარე, სასამართლომ ნაკლებად მძიმე დანაშაულად ჩათვალა. თუმცა, 2000 ლარი თუ შეჰპირდა ფონდს, ალბათ, უნდა გადაურიცხოს კიდეც. აგიტაციის თემა გაცილებით მცირეა იმ პრობლემებთან შედარებით, რომელსაც შეიძლება თვალი გავუსწოროთ, ეს არის დაძაბულობის, შეტაკებების პროვოცირება, რაც ახასიათებს ამ საქმეში გამოცდილ "ნაცმოძრაობას", - განაცხადა ვოლსკიმ.
ინფორმაციისთვის, ვაკის მეორე ოლქში ,,ქართული ოცნების” სიმბოლიკით და საარჩევნო ნომრის მქონე პირბადით მისვლის გამო პარლამენტის თავმჯდომარე კახა კუჭავას სიტყვიერი გაფრთხილება მისცეს და ადმინისტრაციული სახდელისგან გათავისუფლდა.