იერუსალიმში, დამასკოს ჭიშკართან ისრაელის პოლიციასა და პალესტინელებს შორის დაპირისპირება მოხდა. Times of Israel-ის ინფორმაციით, პალესტინელებმა ქვები ჯერ ავტობუსს დაუშინეს, შემდეგ კი ადგილზე მისულ პოლიციელებს.
სამართალდამცავებმა აქტივისტების დასაშლელად ცრემლსადენი გაზი და ხმოვანი ყუმბარები გამოიყენეს.
გამოცემის ცნობით, დაკავებულია 10-მდე მომიტინგე.
მომხდარს გამოეხმაურა პალესტინური მედიაც. მათი ინფორმაციით, დაპირისპირება ისრაელის პოლიციის მხრიდან არასათანადო მოპყრობასა და ძალადობას მოჰყვა.
შეგახსენებთ, ბოლო რამდენიმე დღეა ისრაელსა და პალესტინას შორის ურთიერთობები კვლავ დაიძაბა.