სერგეი ლავროვი - ნატომ პირველმა უნდა გადადგას ნაბიჯი რუსეთთან ურთიერთობის აღსადგენად

რუსეთის საგარეო საქმეთა მინისტრის სერგეი ლავროვის განცხადებით, რუსეთთან ურთიერთობის აღსადგენად ჩრდილოატლანტიკურმა ალიანსმა პირველმა უნდა გადადგას ნაბიჯი. ამის შესახებ რუსული მედია იუწყება.

„იმიტომ, რომ ჩვენ არასოდეს ვიწყებთ ურთიერთობების გაუარესებას არც ნატოსთან, არც ევროკავშირთან და არც დასავლეთის ნებისმიერ ქვეყანასთან. ალიანსის ქვეყნებმა თავად უბრალოდ დაასამარეს მთავარი წესი, რომელიც რუსეთი-ნატოს საბჭოს წესდების საფუძველში - აუცილებელია სასწრაფო კონსულტაციები კრიზისულ ვითარებაში“ , - განაცხადა ლავროვმა.

მისი თქმით, რუსეთის ნაბიჯი, რაც ბრიუსელში რუსეთის წარმომადგენლობის მუშაობის შეწყვეტას გულისხმობს, პასუხია ნატოს სამ ნაბიჯზე, რადგან მათ სამჯერ შეამცირეს რუსეთის წარმომადგენლობა.

„და რაც მთავარია, არ გვაცლიან მუშაობას“ , - განაცხადა ლავროვმა.

ცნობისთვის, რუსეთი ნატო-ში საკუთარი დიპლომატიური მისიის საქმიანობას აჩერებს. მედიის ინფორმაციით, რუსეთის საგარეო საქმეთა მინისტრმა სერგეი ლავროვმა განაცხადა, რომ მოსკოვმა ეს გადაწყვეტილება ალიანსის მიერ რუსეთის მისიის 8 წევრის გაძევების საპასუხოდ მიიღო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს