ფხენიანი ადასტურებს, რომ ჩრდილოეთმა კორეამ წყალქვეშა ნავიდან ახალი ბალისტიკური რაკეტის წარმატებული საცდელი გასროლა განახორციელა.
ჩრდილოეთ კორეის სახელმწიფო საინფორმაციო სააგენტო KCNA-ს ცნობით, რაკეტას მართვის მოწინავე ტექნოლოგიები აქვს.
სამხრეთ კორეისა და იაპონიის თავდაცვის ძალებმა გუშინ განაცხადეს, რომ ჩრდილოეთ კორეამ სინპოს პორტიდან კიდევ ერთი ბალისტიკური რაკეტა გამოსცადა. რაკეტამ დაახლოებით 450 კილომეტრი მანძილი დაფარა და იაპონიის ზღვაში ჩავარდა.
რაკეტის გაშვებას იაპონიის პრემიერ-მინისტრი ფუმიო კაშიდა გამოეხმაურა და „ძალიან სამწუხარო“ შემთხვევა უწოდა. ბოლო ერთი თვის მანძილზე ჩრდილოეთ კორეაში ბალისტიკური რაკეტა რამდენჯერმე გამოსცადეს.