სირიის დედაქალაქ დამასკოში არმიის კუთვნილი ავტობუსი ააფეთქეს, რის შედეგადაც დაიღუპა და დაშავდა რამდენიმე ადამიანი, - ინფორმაციას Reuters-ი სირიის სახელმწიფო ტელევიზიაზე დაყრდნობით ავრცელებს.

გავრცელებული ინფორმაციით, ორი ასაფეთქებელი მოწყობილობა მაშინ აფეთქდა, როდესაც ავტობუსი ჰაფეზ ასადის ხიდზე გადაადგილდებოდა.

გაეროს მონაცემებით, სირიაში 10 წლის წინ დაწყებულ სამოქალაქო ომს სულ მცირე 350 000 ადამიანის სიცოცხლე ემსხვერპლა.