რუსეთში, გასული დღე-ღამის განმავლობაში, კორონავირუსით კიდევ 1028 ადამიანი გარდაიცვალა, რაც ყველაზე მაღალი დღიური მაჩვენებელია ქვეყნისთვის პანდემიის დაწყების დროიდან.
ამასთან, ბოლო 24 საათის განმავლობაში, კორონავირუსის 34 073 ახალი შემთხვევა გამოვლინდა.
რუსეთში ჯამში, ინფიცირების 8 094 825 შემთხვევაა დადასტურებული, აქედან ვირუსს 226 353 ადამიანი ემსხვერპლა, გამოჯანმრთელდა 7 მილიონზე მეტი პაციენტი, აქედან საავადმყოფოებიდან ბოლო 24 საათში 25 231 პირი გაწერეს.
პლატფორმა worldometer-ზე გამოქვეყნებული სტატისტიკის თანახმად, კოვიდინფიცირებული პაციენტების რაოდენობის მიხედვით, რუსეთი მსოფლიოში მე-5 ადგილზეა აშშ-ის, ინდოეთის, ბრაზილიისა და გაერთიანებული სამეფოს შემდეგ.