ინდოეთის უტარაკანდისა და კერალას შტატებსა და ნეპალის ჩრდილოეთ ნაწილში სტიქიური უბედურების მსხვერპლთა რიცხვმა 150-ს გადააჭარბა. ქვეყნებში წყალდიდობა და მეწყერი 3-დღიანმა ძლიერმა წვიმამ გამოწვია.

გადაუღებელი წვიმის გამო ჯერ კიდევ ვერ ხერხდება ნეპალის დასავლეთ ნაწილში მდებარე სოფელ სეთიმდე მიღწევა, სადაც 60 ადამიანია ჩარჩენილი. სტიქიურმა უბედურებამ სასოფლო-სამეურნეო ნათესები, ხიდები, გზები და სახლები მნიშვნელოვნად დააზარალა. დაზარალებულ რეგიონებში დროებით შეწყვეტილია სასწავლო პროცესი.

მეტეოროლოგების პროგნოზით, ინდოეთში ნალექების შემცირება შეინიშნება, ნეპალში კი სტიქიური უბედურება კიდევ რამდენიმე დღე გაგრძელდება.