უკრაინის ნატო-ში გაწევრიანება იქნება უკიდურესად სახიფათო ნაბიჯი, რომელიც მოსკოვს აიძულებს, რეაგირება მოახდინოს, - ამის შესახებ რუსეთის საგარეო საქმეთა მინისტრის მოადგილემ ანდრეი რუდენკომ „რია ნოვოსტისთან“ ინტერვიუში განაცხადა, რითაც ის აშშ-ის თავდაცვის მდივნის, ლოიდ ოსტინის კომენტარს გამოეხმაურა.

მისი თქმით, ამ საკითხთან დაკავშირებით ნატო-სთვის რუსეთის პოზიცია ცნობილია.

„ნატო-მ იცის ჩვენი პოზიცია უკრაინასთან დაკავშირებით. ნებისმიერ ნაბიჯს შედეგები ექნება,“- აღნიშნა რუდენკომ.

შეგახსენებთ, აშშ-ის თავდაცვის მდივანმა, ლოიდ ოსტინმა კიევში ვიზიტის დროს განაცხადა, რომ ვაშინგტონი მხარს უჭერს უკრაინის ნატო-ში გაწევრიანების მისწრაფებას და არცერთ მესამე ქვეყანას არ აქვს უფლება, ამ საკითხს ვეტო დაადოს.