ბრიტანეთის თავდაცვის მინისტრმა ჩინეთს დავის მოსაგვარებლად მშვიდობიანი გზის პოვნისკენ მოუწოდა და გააფრთხილა, რომ ჩინეთის შეჭრამ ტაივანის საჰაერო თავდაცვის ზონაში, შესაძლოა, კონფლიქტი გამოიწვიოს. ამის შესახებ ინფორმაციას Reuters ავრცელებს.

"როგორც ვხედავთ, სამხედრო თვალსაზრისით ისინი პოზიციებს განამტკიცებენ. ჩვენ ვფიქრობთ, რომ ეს არ არის გონივრული", - განაცხადა ბრიტანეთის თავდაცვის მინისტრმა ბენ უოლესმა ჟურნალისტებთან საუბრისას.

სამხედრო ექსპერტების განმარტებით, ჩინური ბომბდამშენების გადაფრენები და ტაივანის საპასუხოდ თვითმფრინავების მობილიზება ზრდის უბედური შემთხვევების და არასწორი ინტერპრეტაციების რისკს, რამაც შეიძლება კრიზისი გამოიწვიოს.

ჩინეთის პრეზიდენტმა სი ძინპინმა 9 ოქტომბერს პირობა დადო, რომ ტაივანთან "მშვიდობიან გაერთიანებას" მიაღწევდა.