რუსეთში, რიაზანის ოლქში მდებარე დენთის ქარხანაში ხანძარი გაჩნდა, რის შედეგადაც 7 ადამიანი დაიღუპა.
მედიის ინფორმაციით, მაშველები ამ დროისთვის 9 დაკარგულს ეძებენ.
საგანგებო სიტუაციების სამინისტროში აცხადებენ, რომ ხანძარს წინ უძღოდა აფეთქება, რომელიც ტექნოლოგიურ პროცესში წარმოქმნილმა პრობლემამ გამოიწვია. ადგილზე 170-ზე მეტი მეხანძრე-მაშველი მუშაობს.
ცეცხლი ამ დროისთვის ლოკალიზებულია.