კიევში, კორონავირუსით დაინფიცირების შემთხვევების ზრდის გამო, სკოლები ხვალიდან, 2 კვირით იხურება.

უკრაინაში, ბოლო 24 საათში, კორონავირუსით 614 ადამიანი გარდაიცვალა, რაც რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან.

ქვეყანაში, სადაც დაახლოებით 41 მილიონი ადამიანი ცხოვრობს, სრულად ვაქცინირებული მხოლოდ 6.8 მილიონი მოქალაქეა. ვაქცინაციის დაბალი ტემპის გამო უკრაინის ხელისუფლებამ ზოგიერთი საჯარო მოხელისთვის, მათ შორის პედაგოგებისთვის, კორონავირუსის საწინააღმდეგო აცრის გაკეთება სავალდებულო გახადა. ამასთან, არავაქცინირებულებზე მოქმედებს შეზღუდვები რესტორნებში, სპორტულ დაწესებულებებსა და სხვა საჯარო ადგილებში შესვლისას.