BBC – ტრაგიკულ გასროლამდე ალეკ ბოლდუინს იარაღი მიაწოდეს და უთხრეს, რომ უსაფრთხო იყო

იარაღი, რომლიდანაც ალეკ ბოლდუინმა გაისროლა, მსახიობს რეჟისორის ასისტენტმა გადასაღებ მოედანზე მიაწოდა და უთხრა, რომ უსაფრთხო იყო, - BBC-ის ინფორმაციით, ამის შესახებ სასამართლოს ჩანაწერებშია აღნიშნული.

ჩანაწერების თანახმად, რეჟისორის ასისტენტმა, რომლის ვინაობაც არ სახელდება, არ იცოდა, რომ იარაღში ნამდვილი ტყვია იყო, მან ის მსახიობს მიაწოდა და დაიძახა: „ცივი იარაღი!“ - ეს არის ტერმინი, რომელიც მიანიშნებს, რომ იარაღში ნამდვილი ტყვია არ დევს.

ამასთან, BBC-მ მოიპოვა დოკუმენტი, რომელიც შეიცავს გადასაღები გუნდის იმ წევრების სიას, რომლებიც ტრაგედიის დღეს გადასაღებ მოედანზე უნდა ყოფილიყვნენ. დოკუმენტში დასახელებულია პირი, რომელიც პასუხისმგებელია ცეცხლსასროლი იარაღის შემოწმებაზე.

BBC-ი წერს, რომ ეს არის 30 წლამდე ახალგაზრდა, რომელსაც პირველად უწევდა ამ მოვალეობის შესრულება.

შეგახსენებთ, გუშინ ცნობილი გახდა, რომ ჰოლივუდის მსახიობმა ალეკ ბოლდუინმა გადასაღებ მოედანზე ცეცხლსასროლი იარაღიდან გაისროლა, რის შედეგადაც ოპერატორი ქალი გარდაიცვალა, ფილმის რეჟისორი კი - დაიჭრა. მსახიობმა გასროლა განახორციელა იარაღიდან, რომელშიც ფუჭი ვაზნები უნდა ყოფილიყო. შემთხვევა ნიუ-მექსიკოს შტატში ვესტერნის ჟანრის ფილმის, Rust-ის გადაღებისას მოხდა. ალეკ ბოლდუინი ფილმის თანაპროდიუსერია. დაღუპული ოპერატორი 42 წლის ჰალინა ჰუტჩინსია.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია