ამერიკელმა სამხედროებმა სირიაში დრონით თავდასხმის შედეგად "ალ-ქაიდას" მაღალი რანგის ლიდერი, აბდულ ჰამიდ ალ-მატარი მოკლეს, - Reuters-ის ინფორმაციით, ამის შესახებ აშშ-ის ცენტრალური სარდლობის წარმომადგენელმა განაცხადა.
„ალ-ქაიდას" მაღალი რანგის ლიდერის ჩამოშორება შეაფერხებს ტერორისტული ორგანიზაციის შესაძლებლობას, განახორციელოს გეგმა, რომელიც გლობალური მასშტაბით თავდასხმების მოწყობას ითვალისწინებს და საფრთხეს უქმნის აშშ -ის მოქალაქეებს, ჩვენს პარტნიორებსა და უდანაშაულო მშვიდობიან მოსახლეობას”, - ნათქვამია აშშ -ის არმიის მაიორ ჯონ რიგსბის განცხადებაში.
ცნობისათვის, ორი დღის წინ სირიის სამხრეთ ნაწილში აშშ-ის საგუშაგოზე თავდასხმა განხორციელდა. ჯონ რიგსბის არ დაუკონკრეტებია, იყო თუ არა დრონით ჩატარებული ოპერაცია აღნიშნული თავდასხმის საპასუხო ქმედება.