ევროპული საბჭო - ევროკავშირი გააგრძელებს ბელარუსის რეჟიმის მიერ დაწყებული ჰიბრიდული თავდასხმისთვის წინააღმდეგობის გაწევას

ევროპული საბჭო არ მიიღებს მესამე ქვეყნების მცდელობას მიგრანტების პოლიტიკური მიზნებისთვის გამოყენებასთან დაკავშირებით. ის გმობს ყველა ჰიბრიდულ თავდასხმას ევროკავშირის საზღვრებზე და შესაბამის რეაგირებას მოახდენს, - ამის შესახებ ევროკავშირის სამიტის შემდეგ გამოქვეყნებულ შემაჯამებელ დოკუმენტშია აღნიშნული.

ევროპული საბჭო აცხადებს, რომ ევროკავშირი განაგრძობს ბელარუსის რეჟიმის მიერ დაწყებული ჰიბრიდული თავდასხმისთვის წინააღმდეგობის გაწევას, მათ შორის სანქციების დაწესებით.

„ევროკავშირი გააგრძელებს ბელარუსის რეჟიმის მიერ დაწყებული ჰიბრიდული თავდასხმისთვის წინააღმდეგობის გაწევას, მათ შორის, შემდგომი შემზღუდავი ზომების მიღებით ფიზიკური და იურიდიული პირების მიმართ“, - აღნიშნულია დოკუმენტში.

ევროპული საბჭო ხაზს უსვამს რეადმისიის შესახებ შეთანხმებების განხორციელების აუცილებლობას.

„ევროპული საბჭო ყურადღებას ამახვილებს საჭირო ბერკეტების გამოყენებით ეფექტური დაბრუნებისა და რეადმისიის შეთანხმებების სრული განხორციელების უზრუნველყოფის აუცილებლობაზე,“- აღნიშნულია დოკუმენტში.

ევროპული საბჭო ხაზს უსვამს, რომ „ევროკავშირი მოწოდებულია, საკუთარი გარე საზღვრების ეფექტური კონტროლი უზრუნველყოს“.

შეგახსენებთ, 21-22 ოქტომბერს ევროკავშირის სამიტი გაიმართა, რომლის ერთ-ერთი განსახილველი თემა მიგრაციის საკითხი იყო.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო