გიორგი ხანიშვილმა საქართველო-უკრაინის ეკონომიკური თანამშრომლობის მთავრობათაშორისი კომისიის სხდომაში მიიღო მონაწილეობა

გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა საქართველო-უკრაინის ეკონომიკური თანამშრომლობის ერთობლივი მთავრობათაშორისი კომისიის რიგით მეათე სხდომაში მიიღო მონაწილეობა.

გარემოს დაცვისა და სოფლის მეურნეობის სამინისტროს ინფორმაციით, სხდომაზე მხარეებმა საქართველო-უკრაინას შორის თანამშრომლობის საკითხები განიხილეს სავაჭრო-ეკონომიკის, ენერგეტიკის, ტრანსპორტის, კავშირგაბმულობის, საინფორმაციო ტექნოლოგიებისა და ინოვაციების, ტურიზმის, სოფლის მეურნეობის და ინტელექტუალური საკუთრების დაცვის სფეროებში, ასევე, იმსჯელეს ევროინტეგრაციის ფარგლებში თანამშრომლობის მიმართულებაზე.

სხდომაზე ორი ქვეყნის თანამშრომლობის მნიშვნელობაზე და მიმართულებებზე საქართველოს ეკონომიკისა და მდგრადი განვითარების მინისტრმა ნათია თურნავამ და უკრაინის მინისტრთა კაბინეტის მინისტრმა, კომისიის უკრაინის მხარის თავმჯდომარემ ოლეგ ნემჩინოვმა ისაუბრეს.

„საქართველოსა და უკრაინას არჩეული აქვთ სწრაფვა ევროატლანტიკური სივრცისკენ. ორივე ქვეყანა აღიარებს ყველა იმ ნორმატიულ და საკანონმდებლო ბაზას, რომელიც მისაღებია ევროპისთვის DCFTI-ს ხელშეკრულების ფარგლებში. ჩვენ უნდა შევძლოთ იმ წარმატებების გამოყენება, რაც მიღწეული გვაქვს - საქართველოს სოფლის მეურნეობაში, უკრაინას ტექნოლოგიების განვითარებაში, რათა, შედეგად, ერთი მხრივ, გავზარდოთ სავაჭრო ბრუნვა, ხოლო, მეორე მხრივ, ხელი შევუწყოთ ქვეყანაში დამატებითი ინვესტიციების მოძიებას და წარმოების ზრდას“, - აღნიშნა გიორგი ხანიშვილმა სხდომაზე სიტყვით გამოსვლის დროს.

კომისიის წევრებმა ქართული და უკრაინული კომპანიების მიერ ღვინისა და სპირტიანი სასმელების ეტიკეტების არაკეთილსინდისიერ გამოყენებასთან დაკავშირებით ინფორმაცია მოისმინეს.

კომისიის სხდომის დასრულების შემდეგ, საქართველო-უკრაინის ეკონომიკური თანამშრომლობის კომისიის მთავრობათაშორისი კომისიის მეათე სხდომის ოქმის ხელმოწერის ცერემონია გაიმართა. ოქმს ხელი ნათია თურნავამ და ოლეგ ნემიჩოვმა მოაწერეს.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა