რუმინეთში, გაუარესებული ეპიდსიტუაციის გამო „კომენდანტის საათი“ წესდება

რუმინეთში, კორონავირუსით დაინფიცირების შემთხვევების მნიშვნელოვანი ზრდის გამო, 25 ოქტომბრიდან ე.წ. „ღამის კომენდანტის საათი“ წესდება, კოვიდ საშვების გარეშე კი საზოგადოებრივ ადგილებში შესვლა იკრძალება.

ამასთან, ქვეყნის ხელისუფლების გადაწყვეტილებით, სკოლებში ორკვირიანი არდადეგები ცხადდება.

„კატასტროფულ მდგომარეობაში ვართ. ჩვენ დავინახეთ, რომ სხვა ქვეყნები იგივე მდგომარეობაში იმის გამო აღმოჩნდნენ, რომ მათთვის არ იყო ხელმისაწვდომი იარაღი - ვაქცინა. ჩვენ კი, მიუხედავად იმისა, რომ ვაქცინა გვაქვს, ამ მდგომარეობაში იმის გამო ჩავცვივდით, რომ უმეტესობა ჩვენგანმა აცრაზე უარი თქვა. ამ მდგომარეობის თავიდან აცილება შესაძლებელი იყო,“- აღნიშნა რუმინეთის შინაგან საქმეთა მინისტრის მოადგილემ რაედ არაფეთმა.

ახალი შეზღუდვები 30 დღის განმავლობაში დარჩება ძალაში და ამ პერიოდის განმავლობაში მოქალაქეებს გადაადგილება საღამოს 10 საათიდან აეკრძალებათ, რესტორნები და მაღაზიები კი 21:00 საათიდან დაიკეტება. საზოგადოებრივ ადგილებში შესვლის ნებართვა მხოლოდ ვაქცინირებულ ან ვირუსისგან განკურნებულ პირებს ექნებათ, გამონაკლისი შეეხება სურსათის მაღაზიებსა და აფთიაქებს.

ამასთან, ორშაბათიდან სავალდებულო ხდება საზოგადოებრივ ადგილებში პირბადის გამოყენება, იკრძალება ქორწილები და სხვა კერძო ღონისძიებები. მთავრობა დამსაქმებლებს მოუწოდებს, თანამშრომლების ნახევარი დისტანციურ რეჟიმზე გადაიყვანონ. რუმინეთში კორონავირუსის საწინააღმდეგო ვაქცინით სრულად ვაქცინირებულია ზრდასრული მოსახლეობის მხოლოდ მესამედი.

გასულ კვირას ქვეყანაში კოვიდ 19-ით გარდაცვალების რეკორდულად მაღალი დღიური მაჩვენებლები დაფიქსირდა. ინფიცირებულების რაოდენობის ზრდის გამო კი ქვეყნის საავადმყოფოები კოლაფსის პირასაა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა