კოლუმბიის ხელისუფლებამ ცნობილი ძებნილი ნარკობარონი დაირო ანტონიო უსუგა დააკავა. ამის შესახებ ინფორმაციას CNN ავრცელებს.
კოლუმბიის პრეზიდენტმა ივან დუკე მარკესმა დაკავების ფაქტი სატელევიზიო მიმართვისას დაადასტურა. მისი თქმით, ანტონიო უსუგა ,,ოტონიელის“ სახელით იყო ცნობილი.
”ოტონიელი იყო მსოფლიოში ყველაზე საშიში ნარკოდილერი, პოლიციელების, ჯარისკაცების, სოციალური ლიდერების მკვლელი და არასრულწლოვანთა დამქირავებელი” , - განაცხადა ივან დუკე მარკესმა.
50 წლის ოტონიელი კოლუმბიის ხელისუფლებამ კოლუმბიის ურაბას რეგიონის სოფლად ჩატარებული ოპერაციის დროს დააკავა, იტყობინება Reuters-ი. გავრცელებული ინფორმაციით, ოპერაციის დროს ერთი პოლიციელი დაიღუპა.
ოტონიელი იყო ნარკოკარტელის "კლანი დელ გოლფოს" ლიდერი, რომელსაც აშშ-ს სახელმწიფო დეპარტამენტი "ძლიერად შეიარაღებულ და უკიდურესად ძალადობრივ" ჯგუფად მოიხსენიებს.
კოლუმბიას ოტონიელის ადგილსამყოფელის შესახებ ინფორმაციის მიწოდებისთვის ჯილდოდ 3 მილიარდ პესომდე (დაახლოებით $800,000), ხოლო აშშ-ს მთავრობას მის პოვნაში დახმარებისთვის - 5 მილიონი აშშ დოლარი ჰქონდა დაწესებული.