აშშ ჩრდილოეთ კორეას მოუწოდებს, შეწყვიტოს მისი შემაშფოთებელი და კონტრპროდუქტიული სარაკეტო პროცესები და ჩაერთოს სამშვიდობო მოლაპარაკებებში. ამის შესახებ ინფორმაციას DW ჩრდილოეთ კორეაში აშშ-ის წარმომადგენლის განცხადებაზე დაყრდნობით ავრცელებს.

„ჩვენ მიზნად კვლავ რჩება კორეის ნახევარკუნძულის სრული დენუკლეარიზაცია“ , - აღნიშნა ჟურნალისტებთან საუბრისას ჩრდილოეთ კორეაში აშშ-ს სპეციალურმა წარმომადგენელმა სუნგ კიმმა.

მისი თქმით, ჩრდილოეთ კორეის მიერ რაკეტების ხშირი გამოცდა სამშვიდობო მოლაპარაკებებს ხელს უშლის.

”სწორედ ამიტომ ფხენიანის ბოლოდროინდელი ბალისტიკური რაკეტის გამოცდა არის შემაშფოთებელი და არაპროდუქტიული კორეის ნახევარკუნძულზე მუდმივი მშვიდობისკენ პროგრესის მიღწევაში”, - განაცხადა დიპლომატმა.

ბაიდენის ადმინისტრაციამ არაერთხელ აღნიშნა, რომ ჩრდილოეთ კორეასთან მოლაპარაკებებისთვის ღიაა. თუმცა, ჩრდილოეთ კორეა აშშ-ს მისი მტრული პოლიტიკის, სანქციებისა და სამხრეთ კორეასთან რეგულარული სამხედრო წვრთნების გამო აკრიტიკებს.