სომალის ნაციონალურ არმიასა და მის ყოფილ მოკავშირეს აჰნუ სუნა ვალ ჯამას (ASWJ) შორის მომხდარი შეტაკების შედეგად სულ მცირე 30 ადამიანი გარდაიცვალა, ხოლო 100 კი დაშავდა. ამის შესახებ ინფორმაციას Reuters ავრცელებს.
დაპირისპირება სომალის შტატის სიდიდით მეორე რაიონში მოხდა.
აჰნუ სუნა ვალ ჯამა (ASWJ) სუფი მუსლიმების ჯგუფია, რომელმაც ალ-ქაიდასთან დაკავშირებული ალ-შაბააბის ამბოხების წინააღმდეგ ბრძოლაში მთავარი როლი ითამაშა. დაძაბულობა შეიარაღებულ ჯგუფსა და ფედერალურ მთავრობას შორის წლების განმავლობაში გრძელდებოდა.
დაჯგუფება მთავრობას ადანაშაულებს იმაში, რომ მათ ალ-შაბააბთან საბრძოლველად საჭირო ზომები არ გაატარეს, ხოლო მთავრობა კი მათ უნებართვოდ მოქმედებაში ბრალს დებს.
არც არმია და არც მისი ყოფილი მოკავშირე ჯგუფი მომხდართან დაკავშირდებით კომენტარს ჯერჯერობით არ აკეთებენ.