უგანდის დედაქალაქ კამპალაში მომხდარ აფეთქებაზე პასუხისგებლობა ე.წ. „ისლამურმა სახელმწიფომ“ აიღო.

დაჯგუფების მიერ გავრცელებულ განცხადებაში აღნიშნულია, რომ მათმა წევრებმა ასაფეთქებელი მოწყობილობა იმ ბარში აამოქმედეს, სადაც „უგანდის მთავრობის წევრები და ჯაშუშები“ იკრიბებოდნენ.

პოლიციის ინფორმაციით, ჩანთა, რომელშიც ასაფეთქებელი ნივთიერება იყო მოთავსებული, სამმა მამაკაცმა ბარში, მაგიდის ქვეშ დატოვა.

აფეთქების შედეგად ბარის 20 წლის თანამშრომელი დაიღუპა, სამი ადამიანი კი მძიმედ დაშავდა.